| Bluetooth ne PDF |
a
 | |
Në
Tiranë, në konferencën kundër trafikut të femrave
|
| Shkrime
te tjera tek faqet |
|
| | 27/12/2006
- 09:21
•
Itali-Tashmë
është e angazhuar. Merret me qendrën dhe me menaxhimin e shitjeve të
librave të saj. Po ashtu, ka qenë e ftuar në dhjetëra emisione
televizive në stacionet italiane, ku ka treguar dhe historinë e saj.
Po ashtu, shumë faqe gazetash janë mbushur me rrëfimin e saj.
Adelina, vajza durrsake mjaft e njohur në Itali për misionin e
saj pasi shpëtoi nga trafiku, në muajin janar ose në shkurt, pritet
të vijë në Tiranë. Së bashku me një grup oficerësh të policisë
italiane, do të jenë në një seminar në Hotel Tirana, në një
konferencë e cila ka si temë luftën kundër trafikut të qenieve
njerëzore. “Do të vij me policinë italiane për një konferencë, për
të folur kundër trafikut të femrave”, - ka treguar për gazetën
Adelina. Ajo është shprehur se konferenca është organizuar nga një
grup gazetarësh shqiptarë, mes tyre Briseida Mema, në bashkëpunim me
koalicionin ndërkombëtar kundër trafikut të qenieve njerëzore.
Po ashtu, Adelina, vajza e trafikuar para 10 vjetësh, ka botuar
dy libra. Njëri quhet “Libera” (E lirë) dhe i dyti, “Adelina, e lirë
nga prostitucioni”. Të dy botimet e vajzës durrsake kanë arritur
shifra të mëdha shitjesh, paratë e të cilave Adelina që për vite me
radhë është shfrytëzuar barbarisht, i ka investuar në qendrën e
rehabilitimit të viktimave të trafikut, e ngritur prej saj. “Në
librat e mi është shkruar historia ime, rrëmbimi, shitje-blerjet nga
njëra dorë në tjetrën dhe prostituimin me dhunë në rrugët e Italisë.
Kam treguar atë çfarë më ndodhi mua dhe shumë vajzave tjera, kam
publikuar atë që kanë parë sytë e mi”, - ka thënë durrsakja, e cila
një dedikim të veçantë ka për karabinierët që e ndihmuan.
gr.so
Kthehu
mbrapa |
|
|